“Një nga 20 bazat e veprimeve të paligjshme të raketave balistike në Korenë e Veriut shërben si një shtab i raketave”, sipas një raporti të Qendrës për Studime Strategjike dhe Ndërkombëtare (CSIS) botuar të hënën.

“Baza operative e raketave Sino-ri dhe raketat Nodong të vendosura në këtë vend përshtaten në strategjinë e supozuar të ushtrisë bërthamore të Koresë së Veriut, duke siguruar një aftësi bërthamore apo konvencionale të nivelit të parë të sulmit”, tha raporti.

Zbulimi i një selie të padeklaruar të raketave vjen tri ditë pasi presidenti i SHBA, Donald Trump njoftoi të premten se ai “shikon përpara” në një samit tjetër për të diskutuar çarmatimin bërthamor me udhëheqësin e Koresë së Veriut Kim Jong Un në fund të shkurtit.

CSIS, tha se baza Sino-Ri nuk është deklaruar kurrë nga Koreja e Veriut dhe si rezultat “nuk duket të jetë subjekt i negociatave për denuklerizimi. Raporti vuri në dukje se bazat e operimit të raketave me sa duket do të ishin subjekt i deklarimit, verifikimit dhe çmontimit në çdo marrëveshje të çarmatimit bërthamor.